YAXSHILIK UNUTILMAYDI - Dono.uz

YAXSHILIK UNUTILMAYDI

Luqmoni hakim doimo qarz olar va puli bo‘lsa boshqalarga qarz berar ekan. Uning himmati va saxiyligini eshitgan kishilar uzoq shahar va qishloqlardan qarz so‘rab kelishar ekan. Kunlardan bir kun noma’lum bir savdogar uning huzuriga keldi va dedi:

–Ey Luqmon, men mashhur savdogar edim. Davr hodisotlari tufayli butun mol-mulkimdan ajradim. Hozir qo‘limda hech narsam yo‘q. Qo‘limdan hech bir ish kelmaydi, kasb-u hunarim yo‘q. Sendan qarz so‘rab keldim!

Luqmon uyidan ming dinor chiqarib, savdogarning qo‘liga tutqazadi. Buni kuzatib turgan Luqmonning o‘g‘li otasiga qarab:

–Ey ota, shuncha pulni hech vaqosi yo‘q notanish odamga berib yubordingiz, u tonib ketsa nima qilasiz? – dedi.

–Ey o‘g‘lim, – dedi Luqmon, -odamlar hech qachon yaxshili-gingni unutmaydilar. Vaqtincha ular sendan yuz o‘girsalar ham, vaqti bilan insofga keladilar. Har bir inson qo‘lidan kelsa, boshqalarga yaxshilik qilishi va qilgan yaxshili-gini unutishi zarur.

Ammo boshqalarning o‘ziga qilgan yaxshiligini unutmasligi kerak.

Javob berish

E-pochta manzilingiz chop etilmaydi.

Free WordPress Themes