Abituriyentlar diqqatiga: Qo'shimcha kontrakt narxlari tasdiqlandi - Dono.uz

Abituriyentlar diqqatiga: Qo’shimcha kontrakt narxlari tasdiqlandi

Want create site? Find Free WordPress Themes and plugins.

2017 yil 20 iyun kuni O’zbekiston Respublikasi Vazirlar Mahkamasining «Oliy ta`lim muassasalariga qabul qilish, talabalar o’qishini ko’chirish, qayta tiklash va o’qishdan chetlashtirish tartibi to’g’risidagi nizomlarni tasdiqlash haqida»gi 393-sonli qarori qabul qilindi.

Qarorda bakalavriat va magistratura bosqichiga talabalarni qabul qilishning yangi tartiblari belgilangan.

Shuningdek, qarorda abituriyentlarni to’lov-kontrakt bo’yicha belgilangan kvotadan tashqari qo’shimcha ravishda o’qishga qabul qilinishining tartibiga oydinlik kiritildi va unga ko’ra ko’pchilik abituriyentlarni qiziqtirib kelayotgan savollarga javob olish mumkin.

«Xushnudbek.uz» saytida abituriyentlar uchun mazkur tartibning eng asosiy jihatlari haqida ma`lumot berilgan.

Qo’shimcha kontrakt natijalari qachon aniq bo’ladi?

Qo’shimcha qabulni amalga oshirish takliflari oliy ta`lim muassasalari tomonidan bo’ysunuvi bo’yicha vazirlik va idoralar bilan kelishilgan holda 15 oktabrga kadar Davlat komissiyasiga kiritiladi;

Davlat komissiyasi oliy ta`lim muassasalarining imkoniyati, tanlov va to’plangan ballar miqdoridan kelib chiqib, oshirilgan to’lov-kontrakt sharti bilan abituriyentlarni ko’shimcha qabul qilish ko’rsatkichlari yuzasidan 20 oktabrga qadar qaror qabul qiladi.

Qo’shimcha kontraktda o’qishni xohlaganlar qachon ariza berishi kerak?

Yetarli ball to’play olmagan abituriyentlar qo’shimcha kontraktda o’qish uchun test natijalari e`lon qilingandan boshlab 1 oy ichida ariza berishi kerak. Ballar ketma ketligi bo’yicha ro’yxatdagi oldingi abituriyent qo’shimcha to’lov-kontrakt asosida o’qishni arizasi bilan rad etgan holda yoki test sinovi natijalari e`lon qilingan kunidan boshlab bir oy muddatda ariza bermaganda ro’yxatdagi keyingi abituriyent qo’shimcha to’lov-kontrakt asosida o’qishga tavsiya etiladi.

Kirish baliga necha ball yetmagan abituriyentlar qo’shimcha kontraktda o’qiy oladi?

Qo’shimcha qabulga abituriyentlar 2 xil kategoriya bo’yicha qabul qilinadi:

  1. To’plagan bali qabul chegaralariga 4 ballgacha yetmagan abituriyentlar;
  2. 68 balldan ko’p to’plagan barcha abituriyentlar.

Bular bir-biridan nimasi bilan farq qiladi?

Eng avvalo ular to’laydigan kontrakt narxida keskin farq bo’ladi. Bundan tashqari, to’plagan bali qabul chegarasiga 4 ballgacha yetmay qolgan abituriyentlarda kvotaga tushish imkoniyati ko’proq bo’ladi.

Oshirilgan kontraktning narxi qancha?

Oshirilgan to’lov-kontrakt miqdori amalda o’rnatilgan to’lov-kontrakt miqdoriga nisbatan quyidagi miqdorlarda belgilanadi:

1-toifa

To’plagan ballari tasdiqlangan to’lov-kontrakt bo’yicha qabul kvotalari chegarasiga bir ballgacha yetmagan abituriyentlar uchun – 1,5 barobar;

1.1 balldan 2 ballgacha yetmaganlar uchun – 2,0 barobar;

2.1 balldan 3 ballgacha yetmaganlar uchun – 2,5 barobar;

3.1 balldan 4 ballgacha yetmaganlar uchun – 3,0 barobar.

2-toifa

Kirish sinovlarida to’plagan natijalari eng yuqori ballning 30 foiz (68,0 ball)dan kam bo’lmagan, asosiy kvotalar doirasida va Davlat komissiyasi tomonidan belgilangan qo’shimcha o’rinlarga (4 ballik hudud) qabul qilinmay qolgan va o’qish istagini bildirgan abituriyentlar amalda o’rnatilgan to’lov-kontrakt miqdoriga nisbatan 10 barobardan ortiq oshirilgan to’lov-kontrakt miqdorida to’lov to’lash sharti bilan o’qishga qabul qilinadi.

Bu yerda e`tibor bersak, 10 barobar miqdorida deyilmagan, aksincha 10 barobardan ortiq miqdorda deyilgan. Bu degani ayrim OTMlarda 10, ayrimlarida 15, ayrimlarida 20 barobar bo’lishi mumkin.

Bunda, qaysi OTMda oshirilgan to’lov-kontrakt miqdori qancha bo’lishini ta`lim yo’nalishi xususiyatidan kelib chiqib, Davlat komissiyasi belgilaydi.

Oshirilgan kontrakt har yili to’lanadimi yoki bir marta?

Bir marta to’lanadi. Qo’shimcha qabul qilingan talabalar birinchi o’quv yilini tugatgandan so’ng keyingi o’quv yilidan boshlab amalda o’rnatilgan bazaviy to’lov-kontrakt miqdori asosida o’qishini davom ettiradilar.

Manba: Kun.uz

Did you find apk for android? You can find new Free Android Games and apps.

Javob berish

E-pochta manzilingiz chop etilmaydi. Majburiy ma'lumotlar * bilan belgilangan

Free WordPress Themes